Jessica公開首張親子合照，據指BB係個女嬰。Jessica為台裔未婚高凱麟誕下結晶品。

現年33歲嘅日本混血名模道端Jessica，於美國洛杉磯時間上周五晚上（即日本時間周六）首度誕B，雖然比預產期早三星期出世，但道端Jessica已透過Ig公開親子合照，BB健康又相當可愛，而且仲同媽咪同樣係10月21日生日。

道端Jessica與英國F1車手前夫畢頓（Jenson Button）於14年底離婚收場，隨即換畫兼火速大肚，為荷李活電影監製新歡、台灣富商高民環兒子Ken Kao（高凱麟）未婚陀B，二人已在洛杉磯共築愛巢，雖然未透露BB性別，不過Jessica曾暗示結晶品係個B女。