娛圈今年「生B潮」，個個趕生雞BB，34歲JJ(賈曉晨)仲有兩個月就生得，前年同「力王」樊少皇結婚，今年6月宣佈有咗，JJ喺北京安胎兼停工，由老公樊少皇努力搵奶粉錢，原來JJ都唔係齋休息，佢都有為未來打算，搞下啲生意，年底佢就同朋友喺北京開萬呎親子餐廳。

今日有周刊指，JJ喺暑假嗰陣，就由老公陪佢返過嚟香港做產檢，而粗身大細嘅JJ亦好食甜品，搞到血糖高，要食健康雜糧先得，據報道指，JJ有份開嘅親子餐廳最快喺12月底開張，到時如果撞正生B時間，佢應該會將生意交俾拍檔打理。