現年54歲嘅潘芳芳，05年閃嫁舊同學、電台DJ陳冠豪，更不惜當高齡媽媽，43歲誕下兒子陳健御。同老公一直都恩愛嘅芳芳，日前大約黃昏6點幾仲撇甩囝囝，孖老公喺銅鑼灣拍拖行街。

兩公婆嗰日先喺銅鑼灣時代廣場地庫行超級市場，之後就停留喺超市出面嘅攤檔睇嘢，因為聖誕將至，現場攞滿咗同聖誕有關嘅產品，包括一啲好啱用嚟做聖誕禮物嘅產品，芳芳同老公齊齊俾star wars嘅產品吸引住，停步喺度睇，攞起啲產品仲笑到好開心咁，不過最後都冇買，玩完一輪就走咗喇。