陳凱琳啱啱同屋企人去咗大阪旅行，鄭嘉穎想二人世界？要等到台慶之後喇。陳凱琳呢轉去日本，買咗U-BIZ優先辦理登機，可以俾普通人早一步上飛機。
猷君早前被讀耆目擊同大陸超模奚夢瑤喺東京旅行，早前奚夢瑤又喺ig貼咗一張相，大廈外牆嘅LED燈就組成咗一個巨型心形圖案。咁啱呢棟大廈就係猷君媽咪、四太梁安琪嘅私人投資公司尚嘉嘅旗下項目。四太受訪時就話大廈係會有唔同LED投射，唔同節日都有唔同主題，可能猷君真金白銀落廣告，向女友示愛都未定。
千嬅囝囝Torres今年返小一，千挑萬選之下Torres入讀名校英基小學。由於在場有唔少記者，路面情況又有限，所以校方就批准千嬅將七人車駛入學校，千嬅其後都話唔好意思，因為影響到其他同學仔。
那英11年為大陸交管局演出，不過去到表演場地先發展助手拎漏歌衫，結果要勞動警車幫手開路。隨後有人就質疑那英濫用警力，令佢要公開道歉。
「五億駙馬」黎諾懿同李潔瑩上年結婚兩周年去咗澳門玩，之後去親每個地方都落tag多謝，又話每個地方都對老婆有「特別照顧」……原因可能係因為當時黎諾懿啱啱宣佈老婆有喜，所有大家錫住大肚婆。
 |  呢個巨型心心，好可能係猷君向大陸超模奚夢瑤示愛用。（資料圖片） |  （資料圖片） |
 奚夢瑤身材超索。（網上圖片） |  千嬅喺Torres開學日揸七人車入校園。（資料圖片） |  那英試過有次大陸演出，要警察開路運歌衫。 |
 黎諾懿同李潔瑩兩周年去澳門玩，佢話老婆有特別服侍。 |  當時啱啱宣佈老婆有喜，依家兩人嘅BB已經出咗世。 |
