前日36歲生日嘅余文樂，有台灣「皮帶大王」千金女友王棠云（Sarah）親手整蛋糕慶祝，簡直甜到漏，呢對小情人拍拖以嚟一直都好sweet，樂仔一冇工開就第一時間陪住女友，不過今日就只係見到Sarah單拖去中環，唔見樂仔踪影。
大約兩點半左右，Sarah由淺水灣屋企出發，當時有兩個保安幫佢截的士，上咗的士之後，就即駛中環置地文華酒店，落車之後，見佢一個人左騰右騰，似乎唔多識路，睇住個電話一路講一路行，喺置地廣場行咗一陣，又返去酒店，會合助手。
兩人再一齊行咗去中建大廈，睇完水牌上咗16樓嘅醫療診所，但唔夠3分鐘就行出嚟，離開中建大廈之後，佢哋就去咗置地買咖啡飲，又行咗一陣街，助手發現有記者，就即刻搵秘道離開，全程都好小心周圍望。
 |  余文樂同台灣「皮帶大王」千金女友王棠云（Sarah）呢對小情人拍拖以嚟一直都好sweet。（資料圖片） |  樂仔一冇工開就第一時間陪住女友，不過今日就只係見到Sarah單拖去中環，唔見樂仔踪影。（攝影：梁繼光、羅光） |
 大約兩點半左右，Sarah由淺水灣屋企出發。 |  喺置地廣場行咗一陣，又返去酒店，會合助手。 |  兩人再一齊行咗去中建大廈，睇完水牌上咗16樓嘅醫療診所，但唔夠3分鐘就行出嚟。 |
