由韓國男神金秀賢主演的三級電影《Real》，今晚喺銅鑼灣舉行慈善首映，鄧達智、李霖恩、胡敏珊、陳偉琪同女子組合Sugar Baby等人現身捧場。李霖恩話月前佢自組咗經理人公司，而陳偉琪同Sugar Baby都係佢旗下藝人。關於「封奶令」一事，李霖恩話佢都有收到通知，仲話佢有反問男士可唔可以性感。
至於，有「咪神」之稱嘅陳偉琪，講到「禁奶令」一事，佢話未收到通知，但佢話其實服裝同劇情一向都唔係藝人控制。笑問佢「封奶令」生效會唔會少咗發揮機會？佢就話：「都係演戲啫，最緊要角色啱，都想大家留意番演技，唔駛成日都性感。」
同場嘅胡敏珊就話，首映搞手係佢朋友，仲爆好友好鍾意金秀賢，佢話：「我以前都鍾意Rain，因為有機會接觸過，其次係BIGBANG，仲一齊唱過卡拉OK。」問佢擇偶準則係咪都要似Rain？佢就話做朋友可以，唔係會心驚膽跳。
 有「咪神」之稱嘅陳偉琪，今日現身韓國男神金秀賢主演的三級電影《Real》首映。 |  講到「封奶令」一事，佢話未收到通知。 |  李霖恩話月前佢自組咗經理人公司，而陳偉琪同Sugar Baby都係佢旗下藝人。 |
 女子組合Sugar Baby。2 |  鄧達智。 |  胡敏珊。 |
