Janice Man、徐濠縈、林丹太太謝杏芳、森美、韓星CL@2ne1嘅妹妹lee Harin、王陽明、吳建豪等今晚喺尖沙嘴海港城出席MONCLER旗艦店開幕活動。

JM之前患手足口病缺席《狂獸》首映(新聞連結:http://bit.ly/2il1tkE),今日佢精神奕奕現身話好番晒:「o依家講到嘢冇晒事,不過隻手仲有少少甩皮,之前病咗個幾星期,頭5日最辛苦,連水、湯都飲唔到。」問到係咪佢傳染男友?JM話唔想篤爆邊個傳染佢,但就解釋:「男友喺北京返嚟發高燒,我照顧佢,個時佢已經中招。」JM話要喺床上面休息個幾星期,好想出街但出唔到,要自我隔離睇劇本,病一病搞到瘦咗,體重唔夠100磅,之後會復工為《狂獸》宣傳,休息到下年先再接project。講到李佳芯喺《誇花代》模仿JM tone,JM話未睇但就同記者講:「哎呀,唔好啦,唔好笑我啦,唔好模仿我啦。」

吳建豪接受訪問時透露,好耐冇嚟香港,大概一年左右,近排四周圍跑活動。講到言承旭同林志玲復合,佢話:「It's geart,有講過是好事,他們兩個的事情,開心就好,兩個人都很善良。」佢又話老友言承旭冇同自己分享過,問到F4會否聚頭,佢話:「May be,你們想可想。有看過《流星花園》新版,他們都很帥。」不過就話柴智屏沒有找佢客串。


阿徐今日以iPad胸襯羽絨到場,唔知佢係凍定熱?JM啱啱好番包到實,佢病完再瘦咗。
言承旭同林志玲復合,吳建豪話:「開心就好。」
森美周汶錡