嚟到結局篇，《降魔的》啲要角死得差唔多，噚日連石敢當胡鴻鈞都犧牲埋喇。


前一集蔣志光同劉佩玥連環死，馬國明都點搵唔番兩人嘅靈魂，胡鴻鈞就醒目，知道係隻魔喺電視台設咗個陷阱，引佢入局對付佢，結果打唔贏仲俾隻魔困咗入夢境。


結果夢入面就好似進入咗if線咁，蔣志光未死、龍貓未死，劉佩玥未，仲成為咗胡鴻鈞未婚妻，而馬明就變咗有錢人，有好多個的士牌。


當然啦，假㗎，全部都係假嘅，胡鴻鈞知道咗係夢境，而蔣志光同劉佩玥嘅靈魂就係困咗喺夢入面，為咗救番兩個靈魂，仲俾隻魔打傷咗。


受傷之餘，胡鴻鈞都冇晒法力，原因係俾馬國明無意間吸走晒，為咗令馬明再增強啲，佢走番入真身－水晶入面，等馬明多啲力量對付隻魔。


話晒都被稱做神劇，點都會有人讚嘅，不過胡鴻鈞化身嗰粒水晶，就同大台嘅CG一樣咁「高質」，有連登仔就貼咗張淘寶水晶相出嚟，話24蚊人仔一粒嘅水晶，同胡鴻鈞變身個粒一模一樣喎。

胡鴻鈞去咗電視台降魔。(電視圖片)呢個已經係入咗夢境。(電視圖片)
兩人變咗夫婦(電視圖片)呢個馬明係由魔化成。(電視圖片)(電視圖片)
(電視圖片)出咗夢境，打傷咗胡鴻鈞。(電視圖片)冇晒法力，石敢當變番粒水晶。(電視圖片)
(電視圖片)(電視圖片)呢粒水晶，喺預告到就睇得清喇。(電視圖片)
但有人就覺得，喺淘寶賣嘅平貨好似。（互聯網圖片）