講起戴志偉，大家可能會想到著名漫畫《足球小將》入面嘅主角，但其實香港亦都有一個藝人叫戴志偉。
今年57歲嘅戴志偉，原名戴誌衛，1981年考入無綫藝訓班，同期同學有劉德華梁家輝，翌年加入大台，11年離開大台後，有指佢o依家從事保險行業。從事演藝工作多年，戴志偉飾演過無數奸角，可謂大台嘅御用奸人，唔知佢演嘅奸角入面，有幾多個曾經觸怒過你嘅心靈呢！？
1984年，戴志偉於劇集《新紥師兄》入面，飾演「杰佬」梁朝偉嘅同父異名阿哥張家明，同杰佬一齊考入警隊，但後來牽涉一宗巨款騙案，由正義嘅警察變成反派，後來更被殺害。之後喺梁朝偉版本嘅《鹿鼎記》入面飾演嘅鄭克爽，同95年版本嘅《神鵰俠侶》入面飾演嘅趙志敬，都係演反派角色，於《神鵰》入面演「楊過」古天樂嘅師傅趙志敬，其中一場欺負楊過打到吐血嘅戲份，當時都有好多觀眾睇到咬牙切齒。仲有就係佢喺《創世紀》入面嘅許文坤，都係奸得好出色，令人恨之入骨。
 戴志偉入行多年，你數到佢演過咩奸角嗎？(資料圖片) |  除咗演戲，戴志偉都好鍾意唱歌。(資料圖片) |  戴志偉(城市周刊圖片) |
 (資料圖片) |  《神鵰俠侶》入面飾演嘅趙志敬(資料圖片) |  《創世紀》入面嘅許文坤(資料圖片) |
 《天地豪情》入面同蔡少芬有好多對手戲。(資料圖片) |
