大台黃金時段正播放緊《溏心風暴3》,呢輯就係《溏心風暴》嘅第三輯,但係角色、內容全部唔同,同嘅只係都係家族爭產,而首周收視就略為低開,未能承接《降魔的》嘅餘勢。( 新聞連結:http://bit.ly/2B51tjA
)


唔知觀眾係咪嫌戲味唔夠呢,睇番深夜重播嘅《壹號皇庭》,人物、角色全部有連貫性,吸引咗一班夜貓,夜媽媽咁煲劇。但要呢班演員再次重聚合作拍劇,相信都唔會係一件易事。


但係機會總係留俾有準備嘅人,今日凌晨《壹號皇庭》終於RE U ,戲中演員歐陽震華(余在春)、陶大宇(Michael)、蘇永康(Raymond)、駱應鈞(彬Sir)、林保怡(李世宏/方世豪)、陳秀雯(Michelle)、鄧萃雯(Joyce)、劉美娟(Helen)、陳慧珊(Cat)、姚瑩瑩(趙麗瑩),可惜佢哋唔係開拍新一輯《壹號皇庭》,佢哋只係相約一齊飯聚。


咁難得見面,佢哋都忍唔住喺自己嘅微博貼圖,同大家分享喜悅,歐陽震華就喺微博留言話好多謝蘇永康,多得佢嘅安排,先有呢次飯聚。「謝謝你(蘇永康)昨晚的安排,令我們一班《壹號皇庭》的兄弟姊妹可再聚首一堂,希望可以盡快再見」,之後佢就tag晒所有去食飯嘅老友記!




《壹號皇庭》Re U,你睇佢哋幾開心。(互聯網圖片)

(互聯網圖片)

彬Sir、阿春、Raymond、方世豪同Michael。(互聯網圖片)

林保怡先後係《壹號皇庭》兩輯出現。(互聯網圖片)

彬Sir同阿春。(互聯網圖片)

佢哋喺戲入面曾經拍拖。(互聯網圖片)

(互聯網圖片)

(互聯網圖片)

(互聯網圖片)

(互聯網圖片)