現年35歲嘅韓國女星孫藝珍早前飛咗去夏威夷旅行，更於Instagram公開泳照冧粉絲，不過唔少粉絲就指珍妹瘦到心口見骨，非常擔心佢嘅健康。


可能珍妹都知大家緊張佢，所以連日多都於Ig公開新相同大家分享近況，噚日更於Ig連晒多張睇展覽新照，而目前需要增肥多過減肥嘅珍妹，就於美國大嘆快餐，見到佢食得咁盡興，就知佢好享受今次嘅旅行。