周秀娜、李佳芯、朱千雪同林奕匡今晚喺中環，出席一個手錶品牌活動，三位女藝人鬥靚，當中千雪BB就白色露肩短裙，娜姐就微V長裙，而李佳芯就最為密實，難怪做訪問時佢都笑：「有啲熱！」
講到聖誕點過，會唔會過白色聖誕？千雪BB就話因為要準備考法律博士考試，就唔會出埠：「考完試自己都會放假，諗住考完試，過咗聖誕就先返去加拿大，聖誕返加拿大都未落雪，o依家讀書好忙，仲有一個禮拜要考，o依家晚晚都通頂。」問到佢今年同圈外男友過第一個聖誕，佢就笑言：「希望今年見吓面，希望見一面先返加拿大。」提到拍拖過第一個聖誕會唔會好特別，佢就話：「我哋識咗好耐，年年都係同屋企人，成班朋友過，唔會特別花巧。」
另外，娜姐就話多年冇喺香港過聖誕，今年就會留喺香港同屋企人一齊過，而李佳芯就要忙拍劇：「睇緊通告係13至23，希望到時可以慶祝倒數。」
真係奇怪…聖誕都要倒數…
 攝影：沈健程 |  夏天，春天，同冬天。 |  |
