是日新亞視開台記招，最備受矚目肯定就係前無綫總經理陳志雲今次出手撐亞視，仲主持新版《百萬富翁》。之前王喜已經爆料話陳志雲為咗主持節目而買咗好多套西裝，今日記招上亦大派用場。
陳志雲打晒bow tie，官仔骨骨現身，令司儀曾華倩都忍唔住摸一摸怇胸膛，陳志雲都冇「反抗」，只係笑笑口話:「胸膛可以掃，其他地方就唔好喇。」臨走前華倩又抽多次水，話志雲咁靚仔可唔可以錫番啖，於是又錫錫面珠先放佢走。
曾華倩問志雲大師今次「係咪好Free」？陳志雲答:「係呀，我好free呀，乜嘢都講得，你係咪想問我官司呀？不過已經完結咗喇喎!」仲「反客為主」同華倩講:「我對你啲秘史都好熟0架，能夠念得三番四遍0架!」
至於獎金今次預咗幾多呢？陳志雲又有骨落地笑言:「高層今次唔使攞個篋出嚟喇，6,500萬嘅現金亦都準備好，你哋有本事就嚟攞走100萬啦。」
華倩問:「咁我屋企人同亞視員工參唔參加得0架？」志雲就話:「我做人公開公正，透明度高，你又同我冇親戚關係，可以參加。」又建議大家可以用三個錦囊就可以運籌帷幄。
 陳志雲倒戈撐亞視 |  佢為新亞視主持《百萬富翁》 |  |
 以前一直係陳啟泰做主持，大家都會記得陳啟泰每次都叫嘉賓摸一摸張支票 |  呢個亞視節目受歡迎到星爺都上過去挑戰 |
