無綫重頭劇《溏心風暴3》收視不似預期，早前跌破新低，連處境劇《愛‧回家之開心速遞》都反超前。(相關新聞﹕http://bit.ly/2BSDHov)
《愛》劇雖然冇好似《溏心3》咁多情慾戲，但細味啲睇都造就咗好多對情侶，好似袁文傑同滕麗名最近關係好曖昧，而蘇韻姿同阮政峰，即係熊心如(紅衫魚)同池子孝早前亦瞞住阿爸根叔(劉丹飾)拍拖。
最近紅衫魚同池子孝都高調晒愛，連日都係ig貼合照，兩個人聽一個耳筒，好sweet咁頭貼頭。今日佢哋又上載咗一段喺車廂中跳情侶舞嘅片段，合拍程度爆燈，池子孝仲錫咗紅衫魚面珠一吓，真係好甜蜜。唔少網民都留言讚佢哋好登對，仲反問﹕「真的拍拖了，戲裏戲內都是情侶？」
紅衫魚留言﹕「傳說中的情侶舞，你們覺得我們跳得如何呢？@yuenchingfung我想挑戰安仔-你不會不夠膽跳嗎？@iris_lammm(林凱恩) @kalok_(周嘉洛)#到你哋啦 #孝如版本 #網上挑戰 #開心速遞 #池子孝 #熊心如 #手勢舞#情侶舞」
 熊心如同池子孝喺《愛‧回家之開心速遞》真係好合拍。 |  |  |
 |  唔少網民都問佢哋係咪真係拍拖？ |  佢哋希望林凱恩同周嘉洛成為下一對挑戰對手。(ig圖片) |
