韓劇《咖啡王子》嘅33歲女星尹恩惠，前年演出大陸綜藝節目《女神新裝》涉嫌抄衫後形象插水，遭韓國網民炮轟，從此尹恩惠甚少現身韓國嘅公開活動或拍攝韓國節目及劇集。


不過近月尹恩惠就活躍喺韓國演藝圈，上月起演出tvN綜藝節目《需要對話的狗貓》，係佢事隔10年再拍攝韓國綜藝節目。尹恩惠隨咗喺節目同愛犬互動外，更公開豪宅，不過網民依然唔賣帳，要求佢退出節目。


而噚日韓國方面就有報道，指尹恩惠將退出節目《需要對話的狗貓》。不過節目方面強調：「尹恩惠唔係退出節目，而係基於節目嘅特性，每位嘉賓只係作短期演出，並非固定擔任節目嘉賓。尹恩惠早於本月初已完成所有錄製，其演出份量將於今晚播晒。」不過節目方面亦坦言，之後會否邀請尹恩惠再演出節目尚係未知數。