許晉亨前晚又喺快活谷拉頭馬！不過呢隻頭馬「獻惑」其實係爸爸許世勳嘅，仲達到個人養馬第100 Win呢個里程碑，係香港首位贏得100 Win嘅馬主。
許晉亨喺好耐好耐以前，已經係馬場常客。以前亨亨同劉嘉玲拍拖時，劉嘉玲試過向無綫「射波」都要陪亨亨入馬場，仲要俾人發現咗。之後喺第6屆新秀入面，仲俾鄭丹瑞拎出嚟笑。
亨亨同劉嘉玲分手後，去到91年亨亨同賭王二房大女何超瓊結婚，梅艷芳都係姊妹之一，到咗00年宣佈9年夫妻關係結束。亨亨再到08年娶咗大美人李嘉欣做許太。
劉嘉玲曾經喺節目中講過，同亨亨拍拖係和平分手，原因唔係外間覺得嘅遭豪門嫌棄，而係佢選擇咗老公梁朝偉，劉嘉玲又話同亨亨仲係好朋友，同亨亨父母關係都好好。有圖有真相，15年嘉玲就同超瓊一齊同許世勳喺上環食飯，雙雙扶許世勳落樓梯同上車。
 |  亨亨係劉嘉玲喺香港嘅初戀，拍過3年拖。（城市周刊圖片） |  劉嘉玲同何超瓊係好朋友，亦係半個情敵。（資料圖片） |
 何超瓊1991同亨亨結婚，夫妻關係到00年被超瓊宣佈結束。（資料圖片） |  亨亨08年娶咗大美人李嘉欣，之後成日喺馬場見到佢哋拉頭馬。（資料圖片） |  （資料圖片） |
 劉嘉玲講過與亨亨父母關係好好，15年同許世勳、何超瓊一齊食飯。（資料圖片） |
