曾志偉遭大陸「金牌模特兒教母」韓穎華(人稱「韓姨」)指名道姓,指其涉及性侵,事隔48小時,志偉到o依家仍然未有回應,亦暫未發律師信。記曾致電曾志偉,但電話飛咗落留言信箱。


人人都搵唔到志偉,但福祿壽之一 ——— 譚詠麟就成功喇。


譚詠麟今日喺廣州出席活動,講起老友曾志偉最近所涉嘅報道,譚詠麟話睇完之後打過俾志偉,講電話過程中有說有笑,志偉仲話「點會係真?」。至於韓姨所指曾志偉涉及嘅事件,繼續喺微博蔓延,譚詠麟喺呢個問題上就答得好妙:「我唔知道,唔知道乜嘢教父教母,第一,我唔識佢,喺咁嘅時刻,真係千奇百怪、多姿多彩。」


至於躺着也中槍嘅周冬雨,有網民指因佢同曾志偉關係好,先可以接拍到曾國祥部《七月與安生》,校長即笑:「呢啲我唔知嘅呢,我就唔評論。我覺得唔係嘅。」


再問到係咪相信志偉絕對唔會做呢啲事?校長搞笑話:「佢應該冇咁嘅能力!」然後記者追問佢邊方面冇能力?校長哈哈大笑話:「朋友嚟嘅嚟嘅,唔講得。」




攝影:栐仁大陸「金牌模特兒教母」韓穎華指曾志偉涉及性侵。(微博圖片)韓姨指控繼續發酵,連日都喺微博出post。(微博圖片)
曾志偉未有就韓姨指控回應。(資料圖片)譚校長話打到俾志偉,佢哋有傾有講,傾談間志偉有笑,心情不俗。