提到韓國男星車太鉉，好多港迷第一時間都諗起佢跟女神全智賢嘅經典韓片《我的野蠻女友》，記得佢係一名實力派演員及主持，不過就應該唔多人記得佢都係一名歌手。近日車太鉉孖河正宇、朱智勛等主演嘅韓片《與神同行》於韓國及香港大賣，令車太鉉人氣上升，更令唔少粉絲翻摷車太鉉嘅舊片，發現出道近23年嘅車太鉉原來曾以歌手身分出碟，而且唱得又跳得，係曾叱吒韓國樂壇嘅歌手，現身各大音樂節目。
車太鉉於2001年推出個人專輯《Accident》，當中主打歌《I Love You》於當事極大人氣，囊括各大音樂節目嘅冠軍。2003年車太鉉再度出碟，當中《Again to Me》更成為經典舞曲，至今韓國人唱K時依舊會唱呢首歌。之後車太鉉就專心於演員生活，但偶爾都會為主演嘅電影演唱OST，晒唱歌實力。
