林宥嘉噚日先喺fb公佈同太太丁文琪造人成功，榮升做老竇( 新聞連結：http://bit.ly/2mRafc6)，真係夾都冇咁橋呀，今日佢嘅舊愛宇宙巨G.E.M.(鄧紫棋)，就去到台灣宣傳嘅《Queen Of Hearts》世界巡迴演唱會，舊愛有喜，G.E.M.亦大方送上祝福：「祝他3年生2個」。


猶記得，之前G.E.M.之前到台灣宣傳佢部紀錄電影《一路逆風》時，咁啱就踫上林宥嘉宣佈結婚喜訊，今次宣傳佢3月喺林口體育館舉行嘅巡迴演唱會，又遇上舊愛宣佈做爸爸嘅好消息，G.E.M.聽到都覺得好好笑，仲話：「如果能為他們帶來好消息，我願意常常來」。


除咗講舊愛，G.E.M.亦大方講到新歡Mark，有台灣傳媒就讚佢越來越靚，問到係咪造型師男友Mark嘅功勞，佢話：「我也覺得，謝謝！」問到佢哋幾時結婚，佢就咁話：「18歲時想過希望22歲結婚，22歲沒結成，後來改成25歲，到現在我已經26歲了，現在不敢講，怕一直講不成真」，G.E.M.仲話自己每一次同男友交往，都係以結婚為前提談戀愛。



G.E.M.今日到台灣宣傳巡迴演唱會。(台灣《蘋果》圖片)咁啱佢嘅舊愛林宥嘉噚日宣佈同老婆造人成功。(台灣《蘋果》圖片)