今年台慶嘅競爭都好激烈,個個都有唔同嘅支持者,賽果真係難分難解!雖然有人覺得同行如敵國,之不過有啲嘢,大家一齊互相支持,互相力撐,可能有意想不到嘅效果。


好似憑《不懂撒嬌的女人》而被提名視后嘅唐詩詠,日前搵咗憑《降魔的》提名男配角嘅何遠東,拍咗一條短片,何遠東做番的士司機,詩詠就做乘客,佢一上車,就喺度諗究竟揀唔揀saving,抑或等下一個,之後佢拎咗個10蚊銀出嚟,諗住擲銀仔決定!


點知個銀仔掟中咗何遠東,之後佢就話詩詠係不斷錯失的女人,入行咁多年都冇攞過獎,猛問佢個獎喺邊,拎過獎出嚟,跟住詩詠即刻做番當日同Mall姐鬧大交,話當日係宣萱倒瀉啲粥,累到佢俾阿媽打到隻腳流晒血!


睇住詩詠喺到死忍啲眼淚,何遠東即刻話會投佢一票,而詩詠亦都讚佢做龍貓好好睇,亦都會投佢,之後鏡頭一轉,又去番何遠東喺劇中出事嗰一幕,不過今次佢就走得快,冇俾跌落嚟嘅冷氣機責死!佢哋兩個即刻話好好彩,詩詠邊行邊問何遠東着乜嘢衫,佢就可能白底衫,之後又調番轉問詩詠,詩詠好搞笑話有限奶令喎,何遠東即刻話露背囉!





(fb截圖)詩詠同何遠東合作拍片互谷人氣!(fb截圖)何遠東話詩詠係不斷錯失的女人!(fb截圖)
(fb截圖)(fb截圖)(fb截圖)