韓國神劇《太陽的後裔》嘅宋仲基同宋慧喬去年10月31號喺首爾新羅酒店舉行世紀婚禮，婚後佢哋都分別復工，宋仲基上月就來港出席《MAMA音樂頒獎禮》，喬妹則飛到北京出席國賓晚宴。
而雙宋噚日又再合體從仁川機場出發，準備飛到巴黎出席品牌活動。噚日出發時，喬妹就着上厚厚大褸兼戴上口罩。到今日網民就喺巴黎戴高樂機場再次捕獲雙宋，有粉絲送上玫瑰花畀雙宋，宋仲基就好親民咁收禮同打招呼。
喬妹可能因為坐完長途機關係，佢一身裝扮同上機時一樣，不過下機時就包得更冚，戴上衛衣嘅帽子。而宋仲基就相當體貼，不時拖實老婆，又攬實老婆條腰，細心照顧喬妹，仲唔覺以戴婚戒，真係甜到漏。
 宋仲基親民收禮 |  拖實老婆 |  攬腰 |
 雙宋去年10月結婚 |
