攞咗最受歡迎電視男角色嘅馬國明，喺後台接受訪問嘅時候，都話好開心，佢話每一年有獎攞都好開心，佢話：「我入行十七年都，都只係得三年攞到獎，所以其實唔係咁易可以攞到奬。」至於攞唔到視帝，佢就話：「個個都話我大熱，我成日都話唔係得我一個大熱，今次好多個都值得攞，我成日都話，有得攞咪開心，冇得攞咪下年嚟過。」
馬明雖然攞唔到無綫嘅視帝，不過就係民間嘅視帝，馬明話：「其實好開心，攞唔到啲人戥你唔抵，好過覺得你未到嗰個位，好同事驚我唔開心，都話我係佢心目中嗰個，其實聽到呢啲好開心。」講到下年會唔會努力，佢就話睇下年有冇運氣。
馬明又爆黃心穎都好開心，佢話：「佢都冇諗過我可以攞到兩個獎，佢頭先都有啲感觸。」有人就話馬明攞完獎要結婚，佢就話：「其實幾好笑嘅，從來都冇話過要結婚，又冇講過攞咗獎要結婚，但唔知點解好朋友都話要結婚，都係要了解下先，依家都係了解咗荷蘭，了解多啲地方先。」馬明今晚都冇得慶祝，要影封面，到時先再睇下約啲演員慶祝。
 攞咗最受歡迎電視男角色嘅馬國明，喺後台接受訪問嘅時候，都話好開心 |  馬明又爆黃心穎都好開心 |  有人就話馬明攞完獎要結婚，佢就話：「其實幾好笑嘅，從來都冇話過要結婚。」 |
 黃心穎 |
