JW（王灝兒）自年初完成紅館個唱後，雖然陸續復工，但係近嚟見得佢最多嘅，係做跟得女友，孖住連鎖化妝品店太子爺葉韋彤（Tarzan）入馬場，上星期佢先跟住男友及未來奶奶葉鍾佩雲，支持葉鍾佩雲愛駒「放眼量」出賽，結果「放眼量」不負眾望，成功讓馬主葉鍾佩雲及Tarzan一齊拉頭馬，未來新抱JW都有份一齊去。（新聞連結：http://bit.ly/2F4oCBG）


相隔一星期，今晚快活谷賽事輪到Tarzan愛駒「一支梅」出賽，「一支梅」喺第三場四班1650米中出賽，結果成功大熱跑出。JW再與Tarzan一齊拉頭馬，唔單只威威，仲係一個好特別嘅情人節節目。據知，Tarzan個人今場可分到$351,120元獎金，而佢其後表示，「一支梅」今場發揮唔錯（新聞連結：http://bit.ly/2Eobmac）。而女藝人岑潔儀（現改名岑詠辰）亦有到場打氣及拉頭馬。


JW就男友拉頭馬回覆《蘋果》表示：「好開心，朋友都嚟晒，贏咗好開心！大家一齊慶祝！」問到佢係咪因為腳頭好，所以男友一定要你到場？JW就話：「唔係，得閒就去，有嘢做就去唔到。」好謙虛喎……


其實葉家踏入2018年2月，接連拉頭馬，除咗葉太同Tarzan之外，Tarzan父親葉俊亨愛駒「驫驫」喺本月4日出戰沙田馬場賽場事，都成功首度勝出！連同「放眼量」在今季較早時間贏出，葉家一家大小季內已取5 Win。




JW今晚陪男友入馬場捧場「一支梅」今晚跑出
拉頭馬嘅Tarzan勁開心岑潔儀（右二）都有份支持同拉頭馬