周杰倫、林俊杰(JJ)同謝霆鋒等係圈中電競選手，有時用真名打機，未必有人信！周杰倫更係忠實嘅online game玩家，組LOL戰隊「J戰隊」，周杰倫更係J戰隊隊長。
周杰倫有一隊電競隊，噚日大年初一，周杰倫都有開戰，噚日佢貼一張online game截圖，新年佢就唔係派利是，而係派演唱會飛，留言：「今天過年跟我這隊的網友，雖然我們不認識，不過有緣千萬（里）來相會，我說話算話，送你們香港演唱會票。」一共有四位幸運兒會收到大禮。
話晒周杰倫啲飛一向好難買到，唔少網民都好「葡萄」，寫道「一起打遊戲已經夠幸福了還有演唱會看，人生啊」、「羨慕啊，我不要票，只求同隊」、「我也要跟你做隊友」，另有網民就懷疑「他們是不是又不相信你是周杰倫」。不過網民更擔心係周杰倫送香港區門票門票，但如果唔係住香港嘅，咁點算！？
