喜！恭喜！
大年初一搶先報喜嘅，原來係台灣天團五月天嘅成員瑪莎，佢喺傍點6點左右，喺facebook宣佈好快會有新家庭成員！
瑪莎喺facebook貼咗一張同設計師太太謝葦怡（Vicky）嘅合照，太太睇緊本好正常嘅育嬰手冊，瑪莎嗰本就係《DARTH VADER and son》，即係黑武士同個仔，佢留言話：「再過幾個月，我們就要迎接這個家的新成員了！當心跳聲從超音波儀器響起的那一刻，是這一生中難以言喻的感動。這是我們的媽媽手冊和爸爸手冊。而未來的未來，我除了是個大家熟知的bass手，我也會努力緊牽著媽媽和孩子的手。這將會是個開心且熱鬧的一年，新年快樂！謝謝你們。」而Vicky就喺ig貼番同一張相，透露過多四個月就會做媽媽。
瑪莎係五月天繼冠佑、石頭之後，第三位做爸爸嘅成員，阿信同怪獸幾時先會追上呢個步伐呢？
 瑪莎宣佈好快會有新家庭成員。(facebook圖片) |  佢搞咗個爛gag，話自己係Bass手，之後係努力緊牽著媽媽媽和孩子的手。 |  Vicky用同一張相，佢話過多四個月就係媽咪。 |
 瑪莎同Vicky結婚3年幾。（台灣蘋果日報圖片） |
＿
