唔少藝人喺初三搞團拜，林奕匡凌晨貼出拜年，原來佢哋去咗探杏兒囝囝「Baby Lee」，一齊食飯仲有陳智燊、宋熙年、黃智雯、胡定欣、岑潔儀等，原來噚日杏兒都有下廚，親自整咗足料碗仔翅。
此外，TVB藝人有啲去咗樂易玲屋企拜年(新聞連結：http://bit.ly/2FcR4S4)
，有啲就去咗田蕊妮屋企食飯，杜汶澤負責整美食，唐詩詠、吳業坤、何遠東、車婉婉同賴慰玲都有去，車婉婉仲帶埋老公同囝囝BBQ現身，見BBQ肥嘟嘟成隻「米芝蓮」咁，相當可愛，而田蕊妮都有抱賴慰玲囝囝Marat影相。
賴慰玲喺IG貼出同阿田嘅合照：「今日杜田家拜年，食極都有得食!仲不斷派「利是」，已經開咗個好年啦!坤哥終於見到我個仔。」之後阿田貼出一張舉杯相，寫道：「初三赤口拜年，佢哋食酒，我飲水，有條友飲奶。」之後阿田又搞笑咁再貼一張手抱住賴慰玲囝囝嘅合相，留言：「呢個BB飲奶飲醉咗。」
 |  唐詩詠及吳業坤去咗田蕊妮屋企食飯 |  |
