今日係星期日family day，影后袁詠儀（靚靚）呢兩日都有喺Instagram貼相，噚日嘆咖啡，今日就貼咗遇到影帝劉青雲嘅相！不過集郵嘅唔係靚靚本人，反而係佢個仔張慕童（魔童）。


相中一大一小型男都有啲笑容，相信真係出街時偶遇，不過仲有咩人同行，靚靚冇透露，只係留言「偶遇、型」，再加兩個emoji，其實睇相都夠皮，唔使說明。


好多人都羨慕魔童有得同青雲叔叔合照，唔知佢哋傾咗啲咩呢？



靚靚今日貼咗囝囝同青雲叔叔嘅合照（袁詠儀Instagram圖片）噚日飲咖啡（袁詠儀Instagram圖片）據靚靚老公Chilam所講，杯咖啡係個沖嘅。（張智霖Instagram圖片）