韓國「國民初戀」秀智去年拍完劇集《當你沉睡時》後，今年1月就推出新碟《Faces of Love》回歸樂壇，Keep住工作。雖然早前有指佢有望拍攝新劇《過來抱抱我》，不過秀智方面已經婉拒演出，粉絲要再等吓先會睇到偶像嘅新作。
而近日秀智就去咗日本東京旅行叉電，佢仲喺Instagram上載多張旅行相，包括食嘢、喺的士上嘅相，秀智更大方素顏出鏡，好不清純，秀智又不顧形象地將「屎帽」戴喺頭上，又對住鏡頭嘟嘴賣萌，獲粉絲大讚可愛。秀智於Ig寫道今次係即興旅行，唔知佢係同邊個去日本呢？
 秀智去咗日本旅行 |  素顏出鏡一樣好睇 |  |
 又嘟嘴賣萌 |  |
