李司棋同米雪今日喺商台宣傳舞台劇《秘密》，飾演患有腦退化嘅司棋姐話呢個角色好難演，不過米雪覺得應該幾好玩，司棋姐話：「有限制㗎，都要跟劇本，之前我喺青山醫院做過慈善工作，見到佢哋有啲係嚴重嘅，引致到好似精神分裂、大小便失禁。」司棋姐所演嘅角色應該唔使咁嚴重？佢笑住話：「唔知需唔需要喺台上大小便呢，我可以隨時失禁，色香味俱全。」
怕唔怕夏雨爆肚？佢哋認為唔會，覺得夏雨為人聰明，就算爆肚都會兜返轉頭。會唔會難做過拍電視劇？司棋姐話：「我覺得難，我呢個角色係癲癲得得，拍電視劇可以逐場拍，舞台劇就要一口氣過。」
 李司棋同米雪合作做舞台劇。 |  司棋姐話做舞台劇難過做電視。 |  |
