由韓國女神孫藝珍孖韓劇《機智牢房生活》男星丁海寅合作嘅JTBC劇集《經常請吃飯的漂亮姐姐》，二人於劇中大玩姊弟戀，成功吸引劇迷追劇。而於上一集中，丁海寅及孫藝珍展開拍拖生活，而且甜蜜咀嘴。


日前劇組公開拍攝吻戲時嘅花絮片，拍吻戲前，孫藝珍及丁海寅就一人飲一罐啤酒。孫藝珍表示要飲啲酒之後拍攝會更好，佢更用飲管飲啤酒，表示咁樣可以醉得快啲，唔通孫藝珍對住後輩丁海寅，拍吻戲時都會緊張同怕醜？