林峯堂妹林夏薇喺15年7月秘嫁身家逾20億嘅金融才俊莫贊生(Jason)，雖然林夏薇做咗豪門少奶奶，不過喺老公嘅支持下，佢仍然好努力發展佢嘅事業，之係話晒結婚咗都有2年，而且老公年紀都唔細，所以林夏薇都要乖乖停工，展開佢哋嘅造人大計。
今日有周刊報道，已經停工嘅林夏薇，除咗好努力做運動去操fit自己，仲睇埋中醫調理身體，希望一擊即中，到時生一個肥肥白白嘅bb！報道仲話喺舊年林夏薇生日嘅時候，已經傾好呢個計劃，嚟緊會plan吓兩公婆出去旅行，如果造人成功，仲話必有獎賞俾老婆，當日林夏薇婚後已經收到唔少大禮，到時佢真係成功嘅話，睇嚟呢個獎賞過億唔係乜嘢一回事！
 林夏薇停工努力造人！(微博圖片) |  做咗少奶奶嘅林夏薇，唔使開工就周圍去玩！(微博圖片) |  Jason一直都好錫老婆，如果造人成話有獎賞！(微博圖片) |
