娛圈今年旺生B，好似黎明女友Wing、宋熙年、吳雨霏、余文樂老婆王棠云、熊黛林、鍾嘉欣、陳柏宇太太Leanne、謝天華老婆Tina、大S、蔣怡、陳倩揚、林宥嘉老婆丁文琪及李蘊等都係圈中大肚婆，個個o依家專心安胎等生B，最近更傳張震嶽女友都有咗，真係圈中喜訊浪接浪，今日再傳出王力宏疑似再做爸爸，太太李靚蕾傳陀第三胎。
王力宏同李靚蕾結婚5年，生咗兩個可愛嘅囡囡，最近王力宏準備嚟緊喺北京開嘅演唱會，兩公婆呢幾日高調喺IG放閃，據台灣報道指，而記者發現王力宏經理人facebook貼咗一張相，王力宏喺演唱會後台，小心翼翼扶住老婆行落樓梯，見同李靚蕾身穿連身鬆身褲同着平底鞋，肚子有啲微微隆起，疑似有喜，據知王力宏即將做爸爸，未知係陀B未夠三個月唔講得，定係王力宏留待喺演唱會上，先同佢最愛嘅歌迷公佈呢個好消息。
