李佳芯同王浩信今日喺九龍塘出席《復仇者聯盟3:無限之戰》揭幕禮，王浩信表示最鍾意鐵甲奇俠同星爵呢兩個角色，不過佢最想做香港嘅超級英雄，鍾意美國隊長嘅李佳芯即刻話：「係咪盲俠呀？」佢哋指演員最大嘅超能力就係唔使食同唔使瞓。
問到佢哋有冇儲figure？王浩信話：「冇買，因為冇地方擺，o依家啲figure做得越嚟越真，我都希望自己拍過嘅角色都可以做啲figure，好有紀念價值，例如好似盲俠，希望動畫公司幫亞洲、香港做一啲超級英雄係屬於我哋。」問佢平時儲咩？王浩信苦笑話：「儲錢，好多香港人都儲，目標都明朗，但我覺得明朗化嘅時候，又有新難題，就係樓價升，要繼續努力，如果拍套英雄片就安心啲。」李佳芯笑指會儲開心能量，佢認為開心能量太容量流失，而生活又太需要開心。」男友陳炳銓畀唔畀到開心能量？佢表示：「未必，人同人相處都會有勞氣，有開心、有唔開心，但我會留番開心能量。」
 李佳芯同王浩信今日喺九龍塘出席《復仇者聯盟3:無限之戰》揭幕禮 |  王浩信話希望自己拍過嘅角色都可以做啲figure。 |  王浩信 |
