藝人黃智雯(Mandy)、袁偉豪等前晚出席劇集《三個女人一個「因」》大結局演員飯局,她坦言捨不得,因過去九個星期都約人一齊睇,劇集在中港兩地反應都好好,希望大結局收視可以衝擊21點!問到會否想拍續集?Mandy笑說:「我反而想拍前傳,有網民話想睇番每一個人格各自嘅完整故事同成長過程,我都覺得可以探索吓,我諗最多可以加到去12個人格。」

雖然距離頒獎禮仍有段長時間,Mandy坦言有信心衝擊視后,難得口碑不錯,是一大肯定及鼓勵。她又眼濕濕指收到過千個受多重人格症問題困擾的患者發訊息與她分享:「佢哋因為呢個病飽受社交、情緒等壓力,我都睇到喊,如果可以幫助佢哋,比收視率幾多更有意義。」