藝人陳凱琳（Grace）與江若琳（Elanne）一見如故，出席公開活動時密密斟。Grace表示關心Elanne的婚禮，而Elanne則笑指自己「五時花六時變」，揀婚紗出現「選擇困難症」
Grace、Elanne與田蕊妮昨午獲邀齊齊出席護膚品牌發布會，原來今次是Grace和Elanne初次見面，Grace笑說：「我哋第一次面對面，所以先咁好傾。我本身識Oscar（Elanne未婚夫蕭潤邦）嘅，之前探班Oscar都有送小籠包嚟請大家食。（你同Elanne傾生意嘢定婚禮嘢？）我有關心佢哋個婚禮，知係12月23日舉行，同埋知佢開咗麵店。」
無懼真面目
Grace表示平時多以素顏示人，問到男友鄭嘉穎對她有何評價？她笑言：「惟有平時多啲做保養，等自己素顏嗰陣都好睇啲。（嘉穎鍾意你素顏定化妝多啲？）我覺得睇場合啦，出街出騷就會化妝，平時喺屋企會簡單啲素顏。」
揀六套婚紗
Elanne則指仍未急於籌備婚禮，但好友已自告奮勇向她要求負責不同工作，例如伴娘、姊妹團等，她說：「其實我冇乜計劃，因為每日都變緊。女人嘅嘢五時花六時變，好在都有朋友幫手做決定。緣分到時，婚禮到啦！（你揀好婚紗未？）我有選擇困難症，所以揀咗好多條裙。（你揀咗幾多套？）揀咗5至6套，不過之後都會留番畀造型師再篩選。」由於其投資的麵店已投入運作，活動完結後Elanne要趕往睇舖：「佢（Oscar）玩即興試業，好在夜市都坐爆，同埋都有人喺舖頭出面排隊。」
|
|
。
