朱晨麗噚日出席新劇《棟仁的時光》宣傳時，自爆為苦練鋼管舞，成日要用雙腿挾實鋼管旋轉跳舞，搞到大髀內側起水泡。呢一幕，噚晚一集終於有得睇，深宵時份佢都有放上ig同fans分享，留言﹕「據說第一次出場的鋼管舞片段已經播出了，等我深夜溫習一下先。」唔少fans大讚朱晨麗又靚又sexy，唔肥唔瘦身型剛剛好，隱約見到大腹肌。


見朱晨麗出場時一個cool樣，穿上喱士Tube Top配熱褲，踢腿、倒轉等動作都好流暢兼具美感，唔少麻甩佬，包括袁偉豪都睇到拍晒手掌。


其實跳鋼管舞喺大台劇嚟講都係新瓶舊酒，因為胡定欣未當選視后前，喺09年播出嘅《古靈精探B》都有跳過，仲有同劇嘅「Icy姐」沈卓盈，佢嘅鋼管舞騷味十足，更成為經典，當時被網民瘋狂cap圖，人氣急升。而陳法拉剛上位時，亦於2010年播出嘅《誘情轉駁》跳過鋼管舞，似乎係大台女星上位必經之路。


事實上，無綫亦有意力捧朱晨麗上位，早前王晶喺《冒險王衛斯理》宣傳活動上，都話會幫手捧無綫藝人，並點名朱晨麗同蔡思貝，(相關新聞﹕https://bit.ly/2pWuNS2)。據知朱晨麗亦已落實開拍由無綫、邵氏與王晶合作嘅電影版《倚天屠龍記》，朱晨麗會飾演亦正亦邪嘅周芷若，期待有突破演出啦。





朱晨麗獲無綫力捧，將拍電影版《倚天屠龍記》。(無綫電視截圖)(無綫電視截圖)網民大讚朱晨麗身型適中，跳鋼管舞好睇。(無綫電視截圖)
(無綫電視截圖)唔少麻甩佬，包括袁偉豪都睇到拍晒手掌。(無綫電視截圖)胡定欣《古靈精探B》(無綫電視截圖)
沈卓盈喺《古靈精探B》跳鋼管舞，被網民不停cap圖，成為經典。(無綫電視截圖)沈卓盈(無綫電視截圖)陳法拉《誘情轉駁》(無綫電視截圖)