袁偉豪、唐詩詠、朱晨麗、林子善等今日喺中環為新劇《棟仁的時光》宣傳，有網民批評詩詠喺劇中經常皺眉頭，原來佢嗰段時間啱啱同洪永城分手，佢直認當時狀態唔係咁好，佢話﹕「我要感謝袁偉豪同工作人員嘅體諒，嗰段時間我嘅情緒真係非常唔好。」
詩詠現在神采飛揚，問係咪如傳聞中復合？佢話：「如果大家成日將我們拉埋一起講，就真係冇人敢追我喇。」
對於前前度男友崔建邦又有新歡，詩詠笑言：「我祝福咗佢好多次。（最新嗰個祝福咗未？）我嘅祝福係直到永遠，佢知道嘅，希望佢快啲搵到最後一個啦。」
袁偉豪早前透露爸爸癌病復發，拍攝時心情同樣好勁，佢話﹕「現在病情反覆，會多抽多啲時間陪佢，都會帶埋女朋友（張寶兒）一齊探望。」
而朱晨麗嘅鋼管舞場面今晚有得睇，佢自爆拍攝時要用雙腿挾實鋼管旋轉跳舞，搞到大髀內側起晒水泡，佢話：「以為跳開舞會易上手，點知上極都上唔到鋼管，好有挫敗感，要瘀多幾次，就會feel唔到瘀痛嘅感覺。（係咪皮膚太滑跣返落嚟？）哈哈，唔係，係出汗所以好跣。」
 朱晨麗喺劇中跳鋼管舞，自爆跳到大髀內側起水泡。(ig圖片) |  朱晨麗真係日以繼夜，夜以繼日咁練習，好勤力。(ig圖片) |  (ig圖片) |
 |  朱晨麗好受男粉絲歡迎。 |  袁偉豪同唐詩詠喺拍劇期間各自遇到唔開心事情，好彩大家都好體諒。 |
 袁偉豪透露拍攝《棟仁》時父親身體出毛病，令他十分擔心。 |  |
