個個都話男神,唔通個個都係男神咩!


韓國唔少男星都被封為男神,當中要揀元祖級男神,呢位男星自然榜上有名,出道26年嘅張東健憑韓劇《愛上女主播》而為港劇迷認識,當中佢亦主演過唔少經典韓片如《朋友》、《太極旗飄揚》,亦曾參演陳凱歌導演執導嘅《無極》。近日張東健孖韓劇《大力女子都奉順》嘅26歲男星朴炯植拍攝KBS新劇《金裝律師》,劇集前日喺韓國首播即時成為同檔收視冠迷,港劇迷亦可於Viu同步追看。


而張東健事隔6年再拍劇,都吸引唔少捧場客,而佢昔日嘅畢業相亦都再被翻炒,當中網民都瘋傳佢嘅靚仔畢業相,可見年青時嘅張東健真係勁靚仔,封佢做元祖級男神都唔會有人反對。同時原來張東健嘅IQ有成143之高,認真犀利。