徐熙娣（小S）今日喺北京出席Valentino Candystud糖果工場手袋念店開幕酒會，被問到再家姐大S徐熙媛再陀B，事先表明唔提家姐嘅小S只禮貌回應：「不好意思，她很好！」小S又講到12歲大女已經唔鍾意卡通圖案，有日阿女仲話揀唔到衫着，小S就俾阿女去自己衣櫃揀衫，笑言有人繼承自己品味都好開心。


至於韓團EXO大陸成員Lay(張藝興)，就話自己雖然係男仔，但就同女仔一樣喜歡手袋。問佢有冇收過fans送手袋？佢即表示唔收禮物，但佢樂意送俾媽媽，又指媽媽喜歡自己買，然後要佢付款。


早前張藝興同舒淇等人合作拍黄渤電影《一出好戲》，舒淇公開叫張藝興把握機會搵女朋友，張藝興笑言大家都擔心佢耽誤時間。問佢有咩擇偶條件？佢就答年年都唔一樣。




小S今日好嬌俏，佢話大女已經唔鍾意卡通圖案。小S見大女成熟咗，俾佢揀自己啲衫着。