ViuTV同新加坡嘅合拍劇《已讀不回》o依家喺新加坡開緊工，今次除咗有羅家英、廖啟智、黃又南，與新加坡演員、陳泂江同雅慧助陣之外，ViuTV嘅藝人黃心美、強尼、陳子豐、陳俞希及黃奕晨等人都有份演出。
噚日心美喺ig貼咗同智叔嘅合照，佢留言：「未拍任何劇之前有幸跟智叔上咗十堂acting class，所以一知道《已讀不回》智叔有份拍我開心到不得了，呢兩日拍攝嘅戲份我哋終於同場嘞。 #智叔好人又好戲 #尋晚仲請劇組食威南記」
查實唔止同一班前輩級演員合作愉快，後生嗰班演員亦都玩得好開心，好似陳俞希今日喺ig貼咗張相，驟眼睇落張都嚇人，事關嗰個背景係喺教堂裡面，心美喺一張長凳上面瞓著咗，佢哋一班人圍住心美，個個都面露哀傷嘅樣，睇落又真係好大吉利是，之後佢仲留言話：「呢張相係教大家......係片場度唔好亂咁瞓覺。#已讀不回#永遠愛你的人上#瞓得好冧#我哋愛你你知架#多謝你一路以來的照顧#瞓覺嚟講算好美」
