劉浩龍（師兄）上個月喺旺角麥花臣開騷，之前盛傳分咗手嘅容祖兒，獲安排坐第一行，喺演唱會中途，師兄多次有曖昧舉動，包括向坐祖兒旁邊嘅Eason單眼，而祖兒之後亦喺ig話肥龍變咗fit龍，「你盡了力，大家應該能看到，還有很遠的路要走，請繼續努力努力努力。」不過，最緊要都係呢句：「感情不變最重要，你快速所以我快樂。」（新聞連結：https://bit.ly/2Fo5bT9）


被祖兒稱作Fit龍嘅師兄今日就喺ig上載咗段片，紀錄咗約4個月嘅減肥過程，其實呢段片，喺師兄演唱會中已經播過，睇住佢由大肚腩肥仔，變咗做肌肉Fit龍，成績好好，由180磅、34吋腰，變咗做146磅、28吋腰。


師兄留言話：「沒嘗過痛過便無法前進，越痛苦的訓練會能達到成果，這個過程，完全不是和別人比較，而是和自己孤獨戰鬥。」佢喺過程中有沮喪同厭倦，到減肥成功有種難以言喻嘅興奮，係一份最好嘅禮物。而喺佢留言中最後一句就話：「我答應自己，這是送給自己最好的禮物，我會繼續努力。」隔咗成個星期先回應留祖兒，都叫有心唔怕遲嘅。


師兄今日上載番佢嘅減肥過程片段，真係有肥仔變Fit龍。
開始有成果。