「大小姐」林淑敏雖然失落「最佳女配角」獎，輸咗畀朱晨麗，但不減人氣。喺《愛·回家之開心速遞》入面，龍力蓮(大小姐)同宋瑞輝(送水輝)呢一pair，唔少人都睇到好肉緊，希望佢哋最終能夠開花結果。
最近大小姐同送水輝又孖住出外景，佢哋喺外景車上自拍，仲好玩嘢咁用app整咗啲奇怪樣。林淑敏留言﹕「是蛇精輝和芭蕉蓮嗎？」但睇真啲，林淑敏個樣好似似蛇精男多啲，而許家傑就似蛇精男班friend「芭比天團」成員，有網民問﹕「咩料？」有人更直呼﹕「好恐怖！」
許家傑就奉勸大家唔好亂用apps，開玩笑話﹕「嘩，真係靚到呢！！！#我咁靚嘅 #眼大鼻高嘴細 #超越物種和性別」。
 網民問「咩料？」直呼「好恐怖」。(ig圖片) |  大小姐同送水輝呢一對，觀眾好受落，大家都希望佢哋最終能成為一對戀人。(無綫電視截圖) |  其實佢哋成日都係咁玩得。(ig圖片) |
 蛇精男(網絡圖片) |  蛇精男與「芭比天團」(網絡圖片) |  (網絡圖片) |
