湯唯14年下嫁韓國導演金泰勇，大前年女兒Doris出世，唔經唔覺小朋友都已經兩歲。


而一直都好念舊嘅湯唯去年參加大陸節目《熟悉的味道》時，就提到喺杭州讀小學嘅時候，因為父母工作繁忙，一直寄住喺小學老師、駱老師屋企，駱老師一直當湯唯好似自己囡囡咁愛錫。


拍《熟》時湯唯專登返去探過老師，除咗親手整東坡肉界老師食之外，佢仲答應小朋友出世後，會帶嚟見老師。


呢個承諾今日兌現，湯唯帶住兩歲囡囡，返咗杭州探望呢位小學老師。雖然Doris張相畀個哈哈笑遮住，但仍見到囡囡身材纖細、手長腳長繼承咗媽咪嘅優良傳統。事實證明湯唯係念舊嘅人，講得出做得到。




湯唯帶囡囡返杭州探小學老師（微博圖片）少時湯唯寄住駱老師屋企，最愛佢嘅東坡肉（微博圖片）老師待湯囉好似親身女一樣愛錫。（微博圖片）