劉德華監製、黃國強(KK)導演合作,以美劇方式製作嘅首部原創迷你劇《東方華爾街》,下周四(24號)首播,劇集終極海報同製作特輯同日發佈。陣容包括吳鎮宇、張可頤、台灣藝人張孝全,仲有班新力軍陳家樂、蔡潔、廖子妤,甘草演員就有羅家英、張雷、大AL、吳浣儀、張松枝等。


導演KK接受訪問時,笑話為咗要搵個表裏不一嘅演員,所以邀請家英哥演出:「家英哥呢個角色係新聞報業集團主席,勾結黑社會,好識得為自己包裝,總會裝扮到自己同其他人唔同,好似利用自己嘅畫廊、藝術館做非法勾當。雖然家英哥喜劇感好強,但偏偏底蘊係另一樣嘢,估佢唔到。」


除咗幾位老戲骨外,仲有演奸角入型入格嘅張建聲,加盟演大反派。KK話:「搵阿聲時未有《反黑》出現,所以最初都唔知佢演反派角色有咩效果,反而係過往睇佢電影作品,覺得佢彈性好大;另一個搵佢演出嘅原因,係覺得佢無包袱,可以好放去演。」





羅家英演勾結黑社會嘅報業集團主席

黃國強導演搵齊老中青演員演出

吳鎮宇、大AL、張鐳大鬥演技

張建聲個樣一睇就知係衰人

張雷讚張孝全靚仔有型

吳浣儀七情上面