Shine成員徐天佑於2015年娶拍拖8年圈外女友Olive，婚後以事業為重，早前佢同拍檔黃又南去澳洲墨爾本拍攝特輯，逗留兩星期，去咗好多地方，天佑呢個月都好忙，返香港仲要立即埋位開工拍新戲。
今日係徐天佑正日生日，佢喺IG貼出同老婆Olive嘅合照，留言：「生日大快樂！又一年又一年！呢幾年生日都喺外國過，今年喺澳洲！生日工作中度過是種福氣！多謝老婆餐生日飯好滿足！多謝同事們準時十二點送蛋糕去我房好有心！非常幸福！希望大家都健康快樂！Yeah！」
原來老婆都跟埋去澳門，認真夠恩愛，相中見老婆甜笑從後攬住天佑，不過未知係唔係工作排得太密，天佑眼神睇落有啲攰。
