容祖兒同林煒珽等人今日喺中環出席時裝品牌Moschino活動，祖兒指人愈大就愈孤寒唔捨得買太貴嘅衫，曾花30萬買裙於演唱會嘅時候着：「賺到嘅錢俾晒媽咪，儲個錢喺身積穀防饑。曾經見到100萬訂服好靚，但唔捨得買，只會花錢喺舞台演出，可以同觀眾分享。」
提到近日男友劉浩龍話結婚為生仔，自言未有結婚打算嘅祖兒話：「每個人想法唔一樣，生仔都要搵個好鍾意嘅人製造愛情結晶，我覺得生仔唔一定要結婚。」鍾欣潼被指近日帶男友回家，祖兒笑言唔講太多，俾佢哋過得安樂舒服甜蜜。
另外，準備明年年尾近聖誕節結婚嘅林煒珽表示：「稍後去英國睇地方，想喺如堡壘咁大既House舉行，到時家人同朋友都來。」父親林建名已送婚紗。
 攝影:王連連 |  祖兒同林煒珽等人今日在中環出席時裝品牌活動。 |  男友劉浩龍近日指結婚為生仔，自言未有結婚打算嘅祖兒話：「每個人想法唔一樣，生仔都要搵個好鍾意既人製造愛情結晶，我覺得生仔唔一定要結婚。」 |
 |  準備明年年尾近聖誕節結婚嘅林煒珽表示父親林建名已送婚紗。 |
